Плажа Долно Дупени

На 34 километри од градот Ресен, во подножјето на Баба Планина, на само неколку стотини метри од Преспанското езеро, се наоѓа селото Долно Дупени кое е вистински рај за туристите. Најголемиот број на посетители кои доаѓаат во селото ја користат и локалната плажа „Дупени Бич“. Плажата има ситен песок, места за освежување и храна и е вистинско уживање за туристите и посетителите. Жителите ја нарекуваат и „плажа на вљубените“, а опремена е со сламени чадори, дрвени маси и столчиња и терен за одбојка, а од кафулето може да се гледа прекрасното зајдисонце. Плажата „Дупени Бич“ се наоѓа на 2 километри од граничниот премин „Маркова нога“ кој иако не е во функција привлекува голем број на посетители. Согласно политичкиот договор помеѓу Македонија и Грција планирано е овој граничен премин да биде активен до 2024, што значи дека во селото „Долно Дупени“ и плажата „Дупени бич“ може да се очекува значително зголемување на посетителите и туристите, но и зголемување на притисокот врз Преспанското езеро преку, зголемување на кличините на комуналед отпад, отпадни води и промена на пејсажот преку поставување на урбана опрема и изградба на нови објекти.