Сливница

Сливница се наоѓа недалеку од источниот брег на Преспанското Езеро, во подножјето на планината Баба од нејзината западна страна. Од градот Ресен селото е одалечено 16 километри. Веднаш под селото се простираат цветни ливади, убаво обработени лозја, а во тесниот крајбрежен појас овошни насади и песочни плажи кои се надалеку познати и многу посетувани од капачи и туристи во летниот период. 

Селото Сливница е едно од постарите и попознатите села во Преспа, со долга и вековна историска традиција на постоење. Во доцниот среден век на крајот на XVI и почетокот на XVII век во 1607 година над селото бил изграден познатиот Сливнички манастир посветен на Пресвета Богородица, кој се наоѓа на 5 километри над селото во густ шумски предел. 

Цркви

• Црква „Рождество на Пресвета Богородица“ - главната црква на Сливничкиот манастир;
• Црква „Св. Атанасиј“ - се наоѓа западно од селото;
• Црква „Св. Димитриј“ - се наоѓа северно од селото и претставува гробјанска црква;
• Црква „Св. Никола“ - новозградена, на старо култно место со остатоци од некогашна некропола. Се наоѓа над селото;
• Црква „Св. Петка“ - црква посветена на Петка Римска. Се наоѓа на три километри северно од селото; Видливи се остатоци од некогашна некропола
• Црква „Св. Петар и Павле“;
• Црква „Св. Спиридон“;

Археолошки локалиети

Шуица - црква и некропола од среден век;

Сливница - населба од римско време;

Крш Полена - вила рустика од римско време;

Кула - населба од доцноантичко време;