Преспански циронки

Циронки е специјалитет од риба присутен само во југозападниот дел на Северна Македонија, особено во околината на Преспанското Езеро и селата Стење и Конско. Рибата што се користи за овој специјалитет е белвица (Alburnus аlburnus belvica).

Производството на циронки оди по следниот редослед: рибарите ја фаќаат рибата претежно ноќе од 21 до 3 часот наутро. Традиционално, рибите се ловат со пезол/пезовола, кружна мрежа со тегови од олово, што обично се користат во овој регион.

Откако ќе се фати и отстрани од мрежата, рибата е подготвена за солење со многу сол. Рибите не треба да се чистат - се ставаат цели. Еден килограм риба е солен со околу 300 грама сол. Откако ќе се посолат, рибите се подредуваат во буре, кое се исполнува со риби покриени со лисја од коприва и голема камена плоча за притискање на рибите во бурето. Рибите се оставаат една недела во бурето. По една недела солење, рибите се нижат на конци, од кои секоја носи околу 3 кг солена риба. Тие се сушат на жешкото летно сонце.

Најинтересна карактеристика за целиот процес на производство на циронки е тоа што рибата не се чисти од внатрешните органи или кожа. Чистењето се врши кога се подготвуваат за конзумација.

Состојки: 1) 300 гр. циронки; 2) 100 ml масло; 3) нане; 4) лук; 5) Буковска пипер (сушен и мелен црвен пипер); 6) Вода.

Подготовка: Откако ќе ги извадите и исчистите, циронките се печат на скара и се оставаат некое време во топла вода да набабрат и да се десалинизираат. Откако ќе набабрат, циронките се чистат од внатрешните органи и крлушките. Може да се сервираат со масло, магдонос, нане, лук, црвена пипер или мајчина душичка што му даваат одличен вкус на овој специјалитет, или само десалинизирана и малку пржена.

Циронките може да се послужат како главно јадење, и тие се неизбежен дел од трпезата во текот на зимскиот брз пост, но и како предјадење со малку ракија или вино. Циронки отсекогаш бил зимско снабдување на трпезата за време на целиот пост и слави.